Y gweithgaredd mwyaf dynamig sydd i’w gael!  Mae’n cynnwys nofio drwy’r tonnau, dringo creigiau serth a neidio o’r brig. Nofio drwy ogofeydd môr, archwilio safnau cul ac arfordir naturiol Penrhyn Gŵyr.

Rydym wedi creu fideo i chi gael amcan o beth yw arfordiro a faint o hwyl y mae! Cliciwch yma i weld.

Mae ein staff wedi trawsdeithio ac "arfordiro" ar hyd Penrhyn Gŵyr i gyd, maent yn adnabod pob twll a chornel a byddant yn rhoi diwrnod allan llawn hwyl i chi, y gorau i chi ei gael erioed!

Ni yw arbenigwyr Arfordiro Gŵyr!

Mae’r gweithgaredd hwn yn ddibynnol ar y tywydd - yr hyn rydym yn ei olygu drwy hyn yw bod rhaid ystyried pob agwedd cyn i ni hyd yn oed eich gwasgu i wisg wrth-ddŵr, gan gynnwys amserau a meintiau llanw, meintiau ymchwydd/tonnau a chyfeiriad y gwynt.

Mae ffitrwydd yn hollbwysig, oherwydd gallwch fod yn nofio am amser hir, ac am rannau o’r dringo creigiau.  Gall y gweithgaredd hwn fod yn hynod gorfforol a chaethiwus!

Byddwn yn darparu’r holl gyfarpar diogelwch arfordiro y bydd eu hangen arnoch ar gyfer y diwrnod, gan gynnwys helmed, gwisg wrth-ddŵr 5mm a chymorth hynofedd.

Gwybodaeth Arfordiro
Bydd angen i chi ddod â rhai eitemau personol gyda chi, gan gynnwys:

• Dillad isaf thermol chwaraeon neu fflîs cnu i’w wisgo o dan eich gwisg wrth-ddŵr
• Gwisg nofio
• Esgidiau â gwadnau da sy’n cynnal y pigwrn a sanau twym!
• Tywel
• Newid dillad llwyr, gan bwysleisio llwyr, o’ch pen i’ch sawdl!
• Pecyn bwyd a fflasg o unrhyw ddiod dwym, a digon o hylifau eraill o’ch dewis chi
• Unrhyw feddyginiaeth bersonol rydych chi’n ei chymryd ar hyn o bryd, yn enwedig y rheini sy’n dioddef o asthma

Ychwanegiad dewisol: Camera gwrth-ddŵr!
Mae gan Gymru arfordir rhyfeddol, a’r ffordd orau i’w weld yw mor agos â phosib – o’r dŵr!

Prisiau Arfordiro a chynnig arbennig

Mae Arfordiro yn weithgaredd sy’n bennaf ddibynnol ar y tywydd, a gellir ei gynnal drwy gydol y flwyddyn – ffoniwch yr arbenigwyr am fwy o wybodaeth.

Dyma ein prisiau ar gyfer ein diwrnodau arfordiro:

• £50 yr oedolyn y dydd
• £40 y plentyn y dydd (o dan 16 oed)
• Disgownt o 10% ar gyfanswm y pris ar gyfer grwpiau o 6 neu fwy!
• Tocyn Teulu – 2 oedolyn a 2 o blant £120 y dydd

Am fwy o wybodaeth ac i gadw lle, ewch i’r dudalen Cysylltwch â ni neu e-bostiwch ni yn Info@anturotdoor.com

Man Lawrlwytho Dogfennau - Cliciwch yma i lawrlwytho unrhyw ddogfennau y mae eu hangen arnoch

Oherwydd mae arfordiro yn dibynu ar amseroedd llanw uchel cymaint, rydym wedi ddarparu tabl amseroedd llanw i helpi chi dewis dyddiad cyfleis i chi wneud arfordiro ar.

Cliciwch yma i weld y tabl amseroedd llanw.