Ydych chi’n cofio pan oeddech chi’n blentyn? 

Ydych chi’n cofio rhywun yn dweud wrthych am beidio â chwarae yn yr afon? Am beidio â chael eich hun yn wlyb, yn fwdlyd neu’n frwnt?

Wel dyma antur llawn hwyl, ac mae’n sicr o ryddhau’r plentyn ym mhawb!

Mae ardal De Cymru yn enwog am y math hwn o weithgaredd, ac mae’r dirwedd naturiol yn addas iawn ar ei gyfer oherwydd miliynau o flynyddoedd o ffurfiant naturiol – sy’n berffaith ar gyfer y gweithgaredd hwn.  Mae’r gweithgaredd hwn yn cyfuno dŵr a chreigiau, ac yn defnyddio pob cyhyr yn eich corff ac yna’n darganfod rhai newydd!

Gwybodaeth Cerdded Ceunant 
Mae Cerdded Ceunant yn derm arall a ddefnyddir ar gyfer sawl gweithgaredd tebyg, gan gynnwys sgramblo tagellau, rhedeg afon a cheunantio.  Fodd bynnag, mae "ceunantio" wedi dod o’n brodyr Ewropeaidd lle mae eu cyrsiau dŵr yn llawer mwy serth ac yn defnyddio rhaffau a thechnegau abseilio – y cyfan a wnawn yw neidio!

Yn syml, mae’n golygu teithio ar hyd system afon – naill ai i fyny neu i lawr y llif drwy gerdded, llithro, nofio, neidio ac ymgodymu â’r rhwystrau naturiol a gynigir gan yr amgylchedd. Gallwn neidio i byllau mawr o lefel y dŵr hyd at 25 troedfedd!

Rydym yn defnyddio nifer o systemau afon ar hyd ymyl ddeheuol Parc Cenedlaethol Bannau Brycheiniog, a gellir eu teilwra er mwyn diwallu eich anghenion unigol chi.

Bydd y diwrnod yn cynnwys trawsdeithio ar hyd wyneb creigiau, hopian creigiau, sgramblo o amgylch stepiau creigiau, llithro i lawr llithradau i byllau creigiau dwfn a nofio’r dyfroedd gwyllt.  Sgramblo i fyny rhaeadrau, i lawr rhaeadrau, trwy raeadrau ac oddi ar raeadrau!

Byddwn yn darparu’r holl gyfarpar diogelwch cerdded ceunant y bydd eu hangen arnoch ar gyfer y diwrnod, gan gynnwys helmed, gwisg wrth-ddŵr 5mm a chymorth hynofedd.

Mwy o wybodaeth: 
Bydd angen i chi ddod â rhai eitemau personol gyda chi, gan gynnwys:

• Dillad isaf thermol chwaraeon neu fflîs cnu i’w wisgo o dan eich gwisg wrth-ddŵr 
• Gwisg nofio 
• Esgidiau â gwadnau da sy’n cynnal y pigwrn a sanau twym! 
• Tywel 
• Newid dillad llwyr, gan bwysleisio llwyr, o’ch pen i’ch sawdl! 
• Pecyn bwyd a fflasg o unrhyw ddiod dwym, a digon o hylifau eraill o’ch dewis chi 
• Unrhyw feddyginiaeth bersonol rydych chi’n ei chymryd ar hyn o bryd, yn enwedig y rheini sy’n dioddef o asthma

Ychwanegiad dewisol: Camera gwrth-ddŵr!

Os yw cerdded drwy raeadrau, neidio oddi ar raeadrau a sarnau i byllau dyfnion, llithro i lawr gylïau serth ac archwilio ogofeydd bychan yn eich difyrru chi, beth am ymuno â ni!?  

Dyma’r prisiau ar gyfer ein diwrnodau Cerdded Ceunant

• £50 yr oedolyn y dydd
  £40 y plentyn y dydd (o dan 16 oed)
• Disgownt o 10% ar gyfanswm y pris ar gyfer grwpiau o 6 neu fwy!
• Tocyn Teulu – 2 oedolyn a 2 o blant £120 y dydd 

Am fwy o wybodaeth ac i gadw lle, ewch i’r dudalen Cysylltwch â ni neu e-bostiwch ni yn Info@anturotdoor.com

Man Lawrlwytho Dogfennau - Cliciwch yma i lawrlwytho unrhyw ddogfennau y mae eu hangen arnoch